Por escasos centímetros quedou fóra da final de lonxitude Jean Marie Okutu no Campionato de Europa de Atletismo que se está disputando en Amsterdam.
O atleta marinense colocouse entre os 12 primeiros, posto que marcaba o acceso á final, desde o seu primeiro salto do concurso con 7,80 metros.
A cualificación empezaba ben pero con todo non puido continuar coa progesión ao contrario que os seus rivais e quedou estancado nese rexistro.
Okutu quedou lonxe das súas mellores marcas, como o 7,99 logrado en Sierra Nevada hai uns días, nos dous intentos que completaban a cualificación con 7,62 e 7,61 metros.
Sen pasar o corte Jean Marie perde ademais a opción de lograr a mínima olímpica a escasos días de que peche o prazo para conseguila (domingo 10 de xullo).