Non estará só o Pontevedra no Estadio Municipal de San Lázaro de Santiago, onde o vindeiro sábado 6 de febreiro (18:00 horas) afrontará o derbi autonómico ante un necesitado Compostela.
O club granate informou que poñerá a disposición dos seus seguidores un autocar para viaxar á capital galega, confiando en que non inflúa o feito de que o choque coincida coa celebración na cidade do desfile de entroido.
O prezo da praza no autobús é de 5 euros, ao que hai que sumar a entrada para o partido, fixada en 15 euros para o público adulto e de balde para os menores de 15 anos.
A expedición partirá ás 16:00 horas desde o Pavillón Municipal dos Deportes ás 16:00 horas, regresando á finalización do partido.
Os interesados poden anotarse, en horario comercial, nas oficinas do Estadio Municipal de Pasarón ata as 14:00 horas do venres.