A pouco máis dun mes para a celebración do Campionato do Mundo de Dúatlon de Pontevedra (os días 31 de maio e 1 de xuño), os clubs da bisbarra preparan o que será o seu grande obxectivo da tempada.
Ata o momento son 14 os deportistas de Triatlón Motobike e Galaico de Pontevedra, Monte Abaixo de Poio e Club Deportivo Pinarium de Marín os que lograron a súa praza nos diferentes Grupos de Idade.
Todos eles ultiman agora a súa preparación para dar o talle nunha cita que supoñerá unha oportunidade única, a de destacar nun Mundial correndo na casa.
Sete destes atletas competirán na modalidade de Sprint (5 quilómetros a pé, 20 en bicicleta e 2,5 de carreira) e outros tantos en Distancia Curta (10, 40 e 5 quilómetros), aínda que as inscricións non se pechan oficialmente ata o próximo día 4 de maio.
Así, se non hai sorpresas, os deportistas dos clubs locais presentes no Mundial serán:
| DEPORTISTA | CLUB | GRUPO DE EDAD | MODALIDAD |
| Juan Sebastián Díaz | Monte Abaixo | 35-39 M | Sprint |
| Miguel Ángel Vidal | Monte Abaixo | 35-39 M | Sprint |
| Francisco Javier García | Monte Abaixo | 40-44 M | Distancia Curta |
| Andrés López | Monte Abaixo | 50-54 M | Distancia Curta |
| Enrique Hernández | Monte Abaixo | 50-54 M | Distancia Curta |
| Javier Vidal | Motobike | 40-44 M | Sprint |
| Gonzalo González | Motobike | 40-44 M | Sprint |
| Sandra Moral | Motobike | 20-24 F | Sprint |
| Margarita Villaverde | Motobike | 30-34 F | Distancia Curta |
| Eladio Ramos | Motobike | 40-44 M | Distancia Curta |
| Álvaro Ogando | Galaico | 50-54 M | Sprint |
| ÿscar Justo | Galaico | 16-19 M | Sprint |
| Diego González | Pinarium | 35-39 M | Distancia Curta |
| Manuel José Cruces | Pinarium | 70-74 M | Distancia Curta |