Os proxectos deportivos de Leis Pontevedra e ADFS Bueu empezan a coller forma encabezados por Manu Cossío e Javi Santos nos bancos.
No caso dos pontevedreses, tras atar a continuidade do seu adestrador, centráronse nos últimos días en lograr a renovación do bloque da pasada tempada.
Así confirmaron o acordo de renovación con Martín, Gustavo Sepa, Carlos Abadín e Gabriel Rama.
Pola súa banda o Bueu de Javi Santos, que xa anunciara a renovación de boa parte do equipo e dúas fichaxes, os de Bermu e Mauro, confirmou a súa terceira incorporación.
Trátase de Cristian Abalde, procedente do Hulloy da liga norueguesa. Antes xogara en equipos como o Lobelle, Coruxo e Vigo FS.