Gran xornada de piragüismo no sur da provincia coa disputa do Descenso do Miño, proba que congregou preto de 650 padexeiros de 46 clubs de España e Portugal.
O pontevedrés Óscar Graña, xunto ao seu compañeiro do Kayak Tudense Daniel Costa, demostrou o seu dominio da distancia impoñéndose con solvencia na categoría de C-2 cun tempo de 1 hora, 8 minutos e 35 segundos.
En K-2 a vitoria foi para os padexeiros do Piragüismo Vilaboa Antonio Palmás e Brais Sánchez, que foron os primeiros en completar os 17 quilómetros de percorrido entre Salvaterra e Tui (1:00:4), demostrando o seu bo momento tras ser terceiros hai unha semana no Sella.
Ademais no C-1 feminino triunfou Raquel Rodríguez (Ciudad de Pontevedra), mentres no resto de categorías sénior se impuxeron Iván Alonso (Kayak Tudense) e Noelia Moledo (Ría de Aldán) en K-1 e Manuel Mosquera (Ría de Betanzos) en C-1.
Consulta as clasificacións completas da regata.