O Poio Fútbol Sala afronta este sábado en Navarra (19:30 horas) o seu último partido antes do parón dun mes a cusa do V Torneo Mundial de seleccións, no que estará presente a vermella Silvia Aguete.
O conxunto adestrado por Gonzalo Iglesias visita a cancha dun "rival directo", o Club Deportivo Orvina, coa intención de "irnos al parón con buen sabor de boca".
Tras recuperar sensacións cunha vitoria ante o Ordizia, agora o Poio quere volver engancharse á zona de privilexio.
O técnico vermello espera encontrarse "un equipo peleón, que corren bien las transiciones" e ante o que terán que empregarse a fondo.
Iglesias recupera para a causa a Raquel Souza, que arrastraba unhas molestias musculares, pero pola contra non poderá contar con Nerea, que estará de baixa entre catro e seis semanas.
A convocatoria para a viaxe a Pamplona compóñena: Silvia; Yoly, Souza, Claudia, Elena, Paloma, Jenny, Charo, Tania e Irene.