Mal partido da Sociedad Deportiva Teucro na casa do Lanzarote.
Os azuis arrincaron ben o encontro, tomando unha vantaxe de 3-7 que obrigou o técnico local a solicitar tempo morto no minuto 6.
O dominio do Teucro diluíuse a partir dese momento, anotando só un gol no seguintes oito minutos fronte ao cinco do Lanzarote, que lle valeron para empatar o partido (8-8).
Irene Vilaboa detivo o cronómetro, pero os seus xogadores non puideron evitar que Mauro Jaureguiberry fixese o 9-8 co que se adiantaron os locais.
A primeira parte entrou nos últimos 10 minutos, que estiveron marcados polo alto ritmo e a tensión, que se saldou con catro exclusións, dúas para cada equipo, e un marcador de 13-10 co que se alcanzou o descanso.
Na segunda parte, o Teucro mostrou garra e logrou empatar a 15 aos cinco minutos, pero non foi capaz de darlle a volta ao marcador.
O equipo local mantivo o control e, cun xogo sólido, colocouse 25-18 cando quedaban dez minutos para o final, deixando o partido practicamente sentenciado.
Os pontevedreses buscaron a reacción nos minutos finais, recortando distancias até quedar a só dous goles, pero non lles bastou para evitar a derrota por 28-26.
Consulta a acta neste enlace