O Pavillón Municipal dos Deportes vivirá este xoves (21:30 horas) un partido especial para o Leis Pontevedra.
O equipo masculino da entidade enfróntase nun encontro amigable á Selección de Guatemala, adestrada polo que foi técnico do club en División de Honra, Tomás de Dios.
O combinado nacional americano atópase de xira preparatoria en Galicia, onde xa se enfrontou ao Noia FS (5-5), Santiago Futsal (4-4), Cidade de Narón (5-4 para os galegos) e Burela (3-0 para o equipo lucense).
O obxectivo de Tomás de Dios en Guatemala é clasificar á selección para o Mundial de Colombia, no que espera mellorar a actuación do último Campionato do Mundo, no que o bloque guatemalteco foi terceiro do seu grupo na fase inicial.