En medio de moitos sábados e algún domingo matinal, o Pontevedra volverá xogar en Pasarón un domingo pola tarde.
Será no encontro correspondente á xornada 32 contra a Ponferradina, que se disputará o domingo 12 de abril ás 16:00.
Pese a que os sábados son a norma non escrita para os granates, o equipo de Rubén Domínguez xa xogou nesta franxa horaria o pasado 8 de marzo.
Foi contra Unionistas de Salamanca nun partido que rematou con 0-0 no marcador.
Este cambio horario responde ao encontro intersemanal que o equipo de Rubén Domínguez disputará esa semana ante o Arenas Club de Getxo.
E é que o Pontevedra, que se medirá o sábado anterior ao Barakaldo tamén en Pasarón, visitará ao equipo vasco o mércores 8 para disputar o encontro que foi aprazado hai unha semana pola inundación do campo de Fadura.
De feito, o Arenas tamén xogará o seu partido correspondente á xornada 32 o domingo 12 ás 16:00 co fin de ter o maior descanso posible desde o mércores.
De calquera xeito o conxunto granate sairá, por unha vez, da franxa do sábado pola tarde na que leva instaurado gran parte da tempada.