Despois de tres derrotas consecutivas o Poio Fútbol Sala retomou o camiño do triunfo ante o Gironella (3-2) nun emocionante encontro.
As vermellas mostráronse superiores ao seu rival nun arroiador comezo de partido e aos 4 minutos xa gañaban por 2-0 tras os goles de Jenny e Claudia.
Xa na segunda metade Raquel Souza encarrilaba o encontro co 3-0 aos 22 minutos cun disparo afastado, pero as catalás non se renderon e deron un paso adiante.
Anna Burgayá recortou distancias no minuto 29 e Ingrid Vieites puxo emoción aos últimos minutos co 3-2 no 37 de partido.
O Gironella optou por xogar de cinco os últimos minutos, pero o Poio defendeuse ben para levarse tres importantes puntos ante un rival directo pola permanencia en Primeira División ao que afasta a 13 puntos, a mesma renda que as vermellas teñen agora sobre a zona de descenso.
POIO FÿTBOL SALA (3): Silvia, Elena, Yoli, Jenny, Claudia -cinco inicial- Souza, Paloma, Nerea, Charo.
GIRONELLA FSF (2): Noe, Claudia Pons, Anna Burgayá, Celia Catá, Berta Ramos -cinco inicial- Carla, Pilar, Ingrid Carrillo, Ingrid Vieites, Raquel.
Árbitros: Manuel Rey e Borja Moreiras. Amoestaron a Berta Ramos e Ingrid Vieites no Gironella.
Goles: 1-0 Jenny (min.2), 2-0 Claudia (min.4), 3-0 Souza (min.22), 3-1 Anna Burgayá (min.29), 3-2 Ingrid Vieites (min.37).
Incidencias: Partido disputado no Pavillón Municipal da Seca, Poio.