Nun encontro que prometía ser rifado, o Ravachol Pontevedra sufriu unha contundente derrota por 7-0 ante o líder Puertas Padilla Cartagena.
Os pontevedreses, que chegaban ao partido coa moral alta tras o triunfo en Valencia, víronse superados afectados pola lesións de varios xogadores, obrigados a retirarse en dous encontros.
Arrincou o enfrontamento co duelo de dobres mixto entre Jacobo Fernández e Lisa Louise fronte a Rodrigo Sanjurjo e Nikol Carulla. Os visitantes trataron de resistir, pero finalmente foron os de Cartaxena os que levaron o primeiro punto por 3-0.
En dobres femininos a tónica foi a mesma, con Georgina e Lisa caendo ante Carulla e Elena Lorenzo por 3-1.
O punto de inflexión chegou nos dobres masculino. Gabriel e Jacobo Fernández adiantáronse no marcador (0-2), pero Fran Olivares e Sanjurjo demostraron unha gran capacidade de reacción e remontaron para levar o partido por 3-2.
A partir de aí, os individuais femininos e masculinos non fixeron máis que confirmar o triunfo do Puertas Padilla coas derrotas de Gabriel Fernández ante Kim Bruum, e a de Iziar Barcala ante Polina Buhrova, ambas as por 3-0.
Georgina e Manuel Brea tampouco puideron facer nada ante Nerea Ivorra e Harry Huang, respectivamente, retirándose ambos os dous do partido.
"Marchamos moi doídos de Cartaxena, foi unha derrota moi dura que non reflicte a igualdade vivida nos dobres. Ademais, as lesións minguáronnos, especialmente con Georgina, que sempre é un seguro no seu individual, pero sufriu unha pequena rotura no xemelgo que esperamos poida recuperar no menor prazo posible. Manu xa viña tocado, e nada máis empezar notou unha forte picada na parte traseira da perna e non puido seguir xogando", explicou tras o encontro o director deportivo do Ravachol, Jesús Pereiro.
O próximo encontro do Ravachol Pontevedrá será o 9 de febreiro ante o Recreativo IES La Orden.
Consulta a acta do partido nesta ligazón