A organización do Campionato do Mundo de Dúatlon, que terá como sede Pontevedra en 2014, se fixou como obxectivo lograr a maior participación da historia da competición.
Para iso púxose como meta a cifra de 1.200 deportistas nas diferentes categorías, superando aos ao redor de 1.100 que tomarón a saída en Gijón no ano 2011.
Así o confirmou o concelleiro de Deportes e membro do comité organizador, Agustín Fernández, quen asegura ademais que a cifra de pre-inscritos é xa importante.
Entre todos estes deportistas espérase unha alta participación de persoas de Reino Unido, Canadá, Estados Unidos e Sudáfrica, ademais de atletas españois e portugueses.
Para facilitar todos os trámites e empezar canto antes coa promoción do campionato, o próximo día 22 de outubro constituirase o comité organizador, onde se invitou a participar á presidenta da Unión Internacional de Tríatlon (ITU), Marisol Casado, ou ao presidente do Consello Superior de Deportes, Miguel Cardenal, ademais de aos presidentes da federacións española e galega, presidente da Deputación e alcalde de Pontevedra, ademais do propio concelleiro de Deportes.
Entre os aspectos a discutir na primeira reunión figura, ademais do estudo do presuposto da proba, o debate sobre a data idónea para a súa celebración, fixada inicialmente para os días 31 de maio e 1 de xuño pero posta en dúbida tras confirmar a ITU a proba das Series Mundiais de Tríatlon en Londres o mesmo fin de semana.