O Pontevedra Club de Fútbol xa coñece a súa folla de ruta para a tempada 2026-2027 en Primeira RFEF.
A Federación Española fixo oficial este martes o calendario da categoría, que comezará para os granates o 30 de agosto con visita ao Real Avilés Industrial e disputarase de forma ininterrompida até o 20 de decembro, data na que se medirán en Pasarón ao CD Mirandés.
Tras o parón do Nadal, o fútbol regresará para o Pontevedra o 3 de xaneiro visitando o Deportivo Fabril, e prolongarase até o 23 de maio, data na que se medirá a domicilio ao Arenas Club.
A fase de ascenso a Segunda División resolverase entre o 30 de maio e o 20 de xuño.
Os enfrontamentos ante equipos galegos marcarán parte do calendario do Pontevedra, que visitará o Racing Club Ferrol na Malata na xornada 6.
Ao Deportivo Fabril mediranse na Coruña na 18, no que será o primeiro partido do 2027; ao Lugo, no Anxo Carro, na 25; e á UD Ourense, no Couto, na xornada 32.
En Pasarón, o Pontevedra recibirá o equipo ourensán na xornada 8, o CD Lugo na 13, o Racing de Ferrol na 24, e o Fabril na 31.