O Pontevedra Club de Fútbol está a protagonizar unha recta final de semana do máis movida, pois ás renovacións de Álex González e Juanra, a saída de Edu Sousa e a fichaxe de Domingo MBA deste xoves hai que sumar o anuncio da continuidade de Álvaro Pérez no club granate.
O defensor valenciano de 30 anos chegou ao club no pasado mercado de inverno libre procedente do Intercity, equipo co que disputou tres tempadas consecutivas en Primeira Federación.
Fíxoo para cubrir a baixa de longa duración dun Juanra que afronta a recta final da súa recuperación e que tamén disputará a próxima campaña como xogador do conxunto lerezano.
𝑶𝑭𝑰𝑪𝑰𝑨𝑳 ✍️ | Álvaro Pérez seguirá vestindo a granate na tempada 26/27 🧱💪
— Pontevedra CF 🦴 (
Seguimos ! 😍#OndeOLerezFaiHistoria pic.twitter.com/1tYku3AlIG
A pesar de levar medio ano no club, Álvaro Pérez demostrou ser un xogador de garantías para a zaga granate actuando como titular, algo que fixo en seis ocasiones, ou partindo desde o banco.
Sumou un total de 672 minutos na segunda metade da competición ligueira e consolidouse como un recambio de garantías para actuar no centro da defensa ou mesmo no lateral dereito.
A súa etapa no conxunto lerezano continúa para reforzar unha parcela defensiva que, na actualidade, conta con Expósito (contrato en vigor), Juanra e o propio Álvaro como centrais, Adrián Argos no lateral destro e os comodines de Vidorreta e Álex González.
Engade Pontevedra Viva como fonte preferida de Google de balde
Mantente informado coas últimas noticias de actualidade.