Dura pero bonita. Así cualificaron as participantes o I Trofeo Ría de Marín de Féminas, disputado durante a xornada do sábado.
A Federación Española de Ciclismo trasladou ao Club Ciclista Marín a súa felicitación pola organización dun evento que aspira a converterse en parada habitual da Copa de España feminina de ciclismo en ruta.
Nos deportivo a proba elite, con 90 quilómetros de percorrido, estivo dominada polo Lointek e rompeu na ascensión final ao Lago de Castiñeiras.
Eider Merino coroou con 55 segundos de renda que ampliou nos últimos quilómetros para chegar en solitario á meta seguida a 1'16'' das súas compañeiras de equipo Belén López e Cristina Martínez.
En categoría júnior, marcada pola ausencia da deportista local Irene Trabazo, a gañadora foi Rocío García (Sopela Ugeraga), mentres en cadetes se impuxo Maialen Aramendía (Caf Transport).