O vindeiro sábado, 7 de febreiro, a Praza do Concello de Meaño acollerá a "I Carreira/Andaina Solidaria Polilla Ana Vicente”, unha cita deportiva e solidaria a beneficio da Asociación Española Contra o Cancro.
A organización corre a cargo da Asociación de Antigos Alumnos dos Colexios da Garda Civil.
A partir das 11:00 horas dará comezo a carreira, cun percorrido de 10 quilómetros, mentres que ás 11:15 comezará a andaina, de 5 quilómetros.
Tamén se celebrará á mesma hora a Camiñada Pitufos dirixida a escolares, con inscrición gratuíta.
As persoas interesadas poden inscribirse na web carreirasgalegas.com ata o 1 de febreiro.
O prezo da inscrición co dorsal e camiseta é de 12 euros, ou só a camiseta por 6 euros.
Aqueles que non poidan ou queiran participar pero desexen colaborar teñen á súa disposición o chamado "dorsal solidario”, modalidade de doazón.