Bo inicio de tempada 2020 para o Super Froiz. Iuri Leitao proclamouse este sábado, campión de Portugal de pista na modalidade de scratch. Nesta proba, os corredores teñen que percorrer 15 quilómetros de voltas do velódromo que se definen no sprint final.
O deportista portugués, recentemente chegado de disputar os Campionatos do mundo en Canadá, foi capaz de facerlles fronte aos seus opoñentes para lograr o primeiro podio desta tempada para o equipo pontevedrés no velódromo de Anadía.
Na tarde do domingo 2 de febreiro, a nova promesa do ciclismo volverá para disputar a proba de persecución individual na que ten posibilidade de repetir podio.