A carreira solidaria organizada polo CEIP San Martiño chega este venres 5 de xuño á súa quinta edición coa lema 'Corre ou camiña, pero móvete e achega polo que importa'.
O evento, un ano máis, fará un labor integradora pensada "para que todo o mundo poida participar e entender o importante que é o deporte e para sermos un pouquiño máis conscientes de que hai xente que ten moitísimas necesidades básicas", explicou a concelleira de Deportes, Anabel Gulías, durante a presentación.
Durante o acto, celebrado no Concello, estivo acompañada por membros da organización e do Banco de Alimentos, onde irá destinada a recadación da proba.
María del Puerto, unha das organizadoras, explicou que a carreira se fai co obxectivo de crear hábitos saudables e deportivos entre o alumnado mentres colaboran coa asociación achegando con cada inscrición 1 quilo de alimentos.
A saída será a partir das 10:45 horas desde o CEIP San Martiño, onde tamén estará instalada a meta.
Haberá dúas distancias, unha de 400 metros para o alumnado máis pequeno e outra máis longa, de 1.200, para o de Educación Primaria. Tamén participará o estudiantado do CEE Xoán XXIII.
A xornada concluirá cunha xornada de convivencia onde todas as persoas asistente compartirán unha merenda.