Temía ao Arxil ao cansazo. Pola viaxe e por afrontar o partido cunha rotación de só oito xogadoras, pero as verdes deron o do de peito para conseguir un importante triunfo na cancha do Baloncesto Femenino Aragón (57-59).
As pontevedresas superaron as adversidades e terminaron remontando un partido que comezou da peor maneira posible, cun primeiro cuarto no que as locais se desataron en ataque (28-18).
Mellorou lixeiramente o Arxil no segundo cuarto pero non foi ata despois do descanso, ao que se chegou 44-31, cando chegou a reacción.
Apoiadas nunha inmensa defensa e a maior achega en ataque de xogadoras como Gordon, María Lago e Carla, as verdes comezaron a remontar desquiciando ás locais, que só anotaron 13 puntos en todo o segundo tempo.
O Arxil completou a xesta nos instantes finais para certificar a súa novena vitoria da tempada que lles fai situarse na zona media-alta da táboa.
Consulta aquí as estatísticas do partido.