Unha vez concluída a tempada deportiva para os principais equipos do Leis Pontevedra, a actualidade no histórico club céntrase na súa dirección, que cambia de mans.
A recente asemblea de socios celebrada pola entidade pechouse coa renuncia de José Antonio Nieto a seguir na presidencia do club. En realidade Nieto, que alegou "problemas familiares e laborais", retirou a candidatura que encabezaba á elección da nova xunta directiva.
A outra candidatura encabezada por David Barreiro, directivo da entidade e antigo dirixente do Marcón FSF antes da fusión entre ambos os clubs, foi finalmente a elixida para poñerse á fronte do Leis.
Ademais de Barreiro, a nova directiva queda composta por Sergio García (secretario), Bryan Martínez (tesoureiro), Unai Acuña (vogal) e Iago Roel (vogal).
Na súa intervención ante os socios, o novo presidente do Leis Pontevedra presentou ademais a Miguel Lóez como coordinador deportivo e encargado, desde a próxima tempada, da dirección das categorías inferiores sendo adxunto á directiva.