Será a principal proba para o Arxil antes do inicio da competición na Liga Feminina 2.
O conxunto pontevedrés afronta este fin de semana a fase final da Copa Galicia en Ferrol, coa participación de dous equipos da súa mesma liga, Celta Selmark e Ensino de Lugo, e outro da máxima categoría, o anfitrión Universitario Ferrol.
O Pavillón Municipal de Esteiro será escenario da competición, planificada en formato de final a catro. Desta forma as rapazas adestradas por Mayte Méndez abrirán a fase coa primeira semifinal o venres 10 de outubro ás 18:30 ante o Ensino.
A outra semifinal disputarase ás 20:30 entre Universitario e Celta, mentres a final queda para o sábado ás 19:00 horas.
O obxectivo para o Arxil será continuar coa integración das novas xogadoras, coas que pretende dar un salto de calidade e pelexar por situarse na zona nobre da Liga Feminina 2.
Engade Pontevedra Viva como fonte preferida de Google de balde
Mantente informado coas últimas noticias de actualidade.