Primeira gran competición da tempada na piscina olímpica de Pontemuiños coa disputa, o vindeiro sábado 7 de novembro, do Campionato Galego de Natación de Longa Distancia.
O Complexo Deportivo Rías do Sur será escenario dunha competición na que participarán 76 nadadores e que terá lugar na súa piscina de 25 metros.
A partir das 17:00 horas, os deportistas inscritos afrontarán 2.000 metros en categoría infantil e 3.000 metros na senior e absoluta.
Entre os 14 clubs participantes atópase o anfitrión, o Natación Galaico, que comparece con 14 nadadores: Cristian Fernández, Daniel Sánchez, Juan David Hernández, Alejandro Torres, Gerardo González, Alberto Rodríguez, Iria García, Paula Goyanes, Águeda Cons, Lara Gómez, Nuria Erselle, Inés Gómez, Henar Cons e Carla Goyanes.