Como os turróns dunha coñecida marca, a mascota do Pontevedra tamén volve a casa polo Nadal. Roelio volverá estar sobre o céspede de Pasarón este mércores para animar o ambiente do partido de Copa do Rei que enfrontará ao conxunto granate co Tenerife.
Para comunicar este esperado regreso, o club lembrou un dos episodios de maior popularidade do óso granate. Hai catro anos, Roelio saltou á fama polas bromas sobre o seu aspecto físico lanzadas polo cómico David Broncano no programa de entrentenimiento que presenta en Movistar: A Resistencia.
Recordades este momento?@LaResistencia tenemos una sorpresa
— Pontevedra CF (@PontevedraCFSAD) December 19, 2022
pic.twitter.com/TLUNanXICz
Aínda que naquel momento o Pontevedra gardou silencio e evitou interactuar co programa a través das redes, agora decidiron recuperar o momento no que o himno do conxunto de Pasarón soou na Resistencia para anunciar o regreso da súa querida mascota.
Sí Volve Roelio para darnos folgos no partido de Copa fronte o @CDTOficial
— Pontevedra CF (@PontevedraCFSAD) December 19, 2022
Y os manda un saludo para todo el equipo @LaResistencia @davidbroncano
Os esperamos el miércoles en Pasarón #IzandoVelas #HaiQueRoelo pic.twitter.com/NK7MO5uBVu
Nos últimos anos, as aparicións de Roelio sobre o céspede do templo do Lérez foron esporádicas. Con todo, a noticia do seu regreso foi recibida con entusiasmo entre os fans granates, que confían en que o traxe da mascota que lembra a gloriosa época do Hai que Roelo non volva coller po nos almacéns de Pasarón.
Engade Pontevedra Viva como fonte preferida de Google de balde
Mantente informado coas últimas noticias de actualidade.