Unha San Silvestre de Pontevedra con 7.000 razóns para entrar en 2026 de bo humor

Pontevedra
31 de decembro 2025
Actualizado: 01 de xaneiro 2026

Éxito rotundo para unha nova e multitudinaria edición da San Silvestre de Pontevedra. A popular proba deportiva igualou este 31 de decembro o seu récord con 7.000 dorsais repartidos

San Silvestre de Pontevedra 2025
San Silvestre de Pontevedra 2025 / Beatriz Ciscar

Deporte, bo tempo, mellor humor e moitas ganas de entrar ao novo ano coas mellores enerxías.

Con ese espírito a San Silvestre de Pontevedra resultou un éxito rotundo na súa 42 edición, reafirmando que é un dos eventos preferidos por todos os pontevedreses.

A popular proba deportiva, organizada pola Sociedad Gimnástica, logrou o seu obxectivo de igualar o seu récord de participación (marcado antes da pandemia) con 7.000 dorsais repartidos, todos os dispoñibles.

Toda unha marea humana e multicolor, con disfraces, decoración do Nadal e moitos sorrisos, que percorreu as rúas do centro da cidade este mércores 31 de decembro.

Deportistas de todas as idades completaron o percorrido de case 3.900 metros con saída e chegada na Avenida Monterio Ríos pasando por Riestra, Praza de San José, Augusto González Besada, Praza de Galicia, Augusto García Sánchez, Antero Rubín, Iglesias Vilarelle, Praza da Constitución, Praza de Galicia, Andrés Mellado, Peregrina, Odriozola, Ferrería, Soportais, Curros Enríquez. Rúa Real, Serra, Padre Amoedo, Bos Aires, Galera, Arcebispo Malvar e Praza de España antes de chegar á meta.

Alí esperaba o tradicional chocolate e os lacones entregados aos primeiros clasificados e aos mellores disfraces.

Era o de menos ao non tratarse dun evento competitivo, pero inscribiron o seu nome no palmarés da San Silvestre de Pontevedra por unha banda David de la Fuente en categoría masclunia e Sabela Martínez na feminina.

Unha maneira inmellorable coa que despedir o ano e encarar coas mellores vibras o 2026. Que viva a San Silvestre de Pontevedra!