A Basílica de Santa María a Maior acollerá este venres 8 de maio, ás 20:00 horas, unha misa en memoria de José Gabriel Ben Modo
Familiares, amigos e coñecidos reuniranse neste acto relixioso para renderlle homenaxe e compartir o recordo dunha figura moi querida na cidade.
O ex xogador faleceu na madrugada do pasado 1 de maio aos 58 anos de idade tras padecer unha grave enfermidade. Nacido en Malabo, en Guinea Ecuatorial, o 22 de abril de 1968, desenvolveu toda a súa traxectoria deportiva en Galicia, onde deixou unha profunda pegada no balonmán autonómico.
A cerimonia celebrarase nun ambiente de recollemento e respecto, co propósito de honrar o seu recordo e agradecer as numerosas mostras de agarimo recibidas nos últimos días. Os familiares convidan a todas as persoas que desexen acompañalos a participar neste acto de despedida.
A súa vinculación co balonmán comezou nas categorías inferiores da Sociedad Deportiva Teucro, club no que promocionou até alcanzar o primeiro equipo.
Formou parte da estrutura do conxunto pontevedrés durante a década dos 90, nunha etapa na que o equipo mantivo a súa presenza na elite do balonmán español.
Militou tamén no Balonmán Chapela e o Pilotes Posada, para regresar en 2022 á disciplina teucrista en 2002, baixo a presidencia de Evaristo Estévez.
Compartiu vestiario con xogadores históricos da entidade como Salva Serra, Pasqui, Mikulic, Germán ou Quique Domínguez.