O Real Club Náutico de Sanxenxo foi designado como sede do próximo Campionato de Europa da clase 6 Metros de vela.
Será unha repetición das experiencias de 2021 e 2022 cando a localidade acolleu o propio Campionato de Europa e tamén o Mundial de vela para este tipo de embarcacións, nas que é habitual ver competir ao rei emérito, Juan Carlos I.
A cita terá lugar entre o 27 de setembro e o 5 de outubro de 2024.
"Está a converterse en habitual que Sanxenxo acolla eventos deportivos internacionais como é neste caso o Campionato de Europa de 6 Metros. É o recoñecemento, sen dúbida, á nosa capacidade de organización, hospitalidade e as excelentes calidades da ría de Pontevedra", afirmou tras a confirmación o alcalde, Telmo Martín.
"É un gran orgullo que a frota mundial e os lexisladores da clase pensasen en Sanxenxo para repetir o éxito de 2021 e 2022", sinalou pola súa banda o presidente do RCN de Sanxenxo, Pedro Campos, afirmando que se trata de "un gran reto para o club, para Sanxenxo e para Galicia o tentar poder repetir o que fixemos en 2021, esta vez con tan só oito meses de preparación".
Engade Pontevedra Viva como fonte preferida de Google de balde
Mantente informado coas últimas noticias de actualidade.