Dúas derrotas en dous partidos disputados leva o Club Baloncesto Arxil no arranque de liga.
O conxunto pontevedrés caeu este sábado na súa visita ao Smartlog Ointxe, que logrou imporse cun axustado 58-55 nun encontro con pouco acerto por parte de ambas as escuadras.
Os erros persistiron durante todo o partido nos dous lados do campo, aínda que no treito definitivo o conxunto local soubo xestionar mellor os fallos, o que resultou decisivo para a súa vitoria.
Por parte do Arxil, Chasse destacou con 17 puntos e 4 asistencias, sendo a máxima anotadora a pesar da derrota.
O seguinte partido do Club Baloncesto Arxil será o sábado 18 de outubro ás 19:30 horas fronte ao León.
Consulta a estatística neste enlace