Tras confirmar que o seu primeiro partido de preparación de cara ao seu regreso a Primeira RFEF sería ante a Cultural Leonesa, o Pontevedra CF avanzou máis choques para a súa pretemporada.
Son, en concreto, seis partidos máis para este calendario de pretemporada, que arrancará con ese debut en Pasarón ante o equipo leonés o sábado 26 de xullo.
A continuación, o conxunto dirixido por Rubén Domínguez medirase o mércores 30 de xullo, ás 20:00 horas, ao Puebla FC no Estadio da Alta, na Pobra do Caramiñal.
Até a localidade portuguesa de Melgaço viaxará o Pontevedra o sábado 2 de agosto para xogar contra o Oporto B (19:00 horas).
Pola súa banda, o mércores 6 de agosto o rival dos granates será o Estradense, ao que visitarán no Estadio Municipal da Estrada (21:00 horas).
O Arenteiro, equipo co que se verán as caras en liga, acudirá a Pasarón o mércores 13 de agosto, ás 20:30 horas.
Tres partidos máis fóra de casa completarán esta preparación.
Serán os que o Pontevedra dispute contra o Villalonga (sábado 16 de agosto, 20:00 horas), o Coruxo (mércores 20 de agosto, 19:00 horas) e o Boiro (sábado 23 de agosto, 19:00 horas).
O primeiro partido de Primeira RFEF para o Pontevedra será o 31 de agosto en Pasarón contra o Cacereño.