Tres deportistas do Mat's de Marín representarán a España no Campionato Mundial Absoluto de Taekwondo que se celebrará do 24 ao 30 de outubro en Wuxi, China.
Trátase de Sergio Troitiño (-87 kg), Iván García (+87 kg) e Arlet Ortiz (-62 kg), tres marinenses que formarán parte dun equipo nacional con altas expectativas de medalla.
O conxunto español para esta cita está composto por 16 atletas masculinos e femininos en diferentes categorías de peso.
Entre eles destacan, ademais dos deportistas marinenses, Jairo Agenjo (-54 kg), Jesús Fraile (-58 kg), Adrián Vicente (-63 kg), Daniel Quesada (-74 kg), Mikel Fernández (-80 kg), Violeta Díaz (-46 kg), Adriana Cerdeira (-49 kg), Alma María Pérez (-53 kg), Laura Rodríguez (-57 kg), Lena Moreno (-67 kg), Belén Morán (-73 kg) e Tania María Castiñeira (+73 kg).
O campionato, o máis importante do calendario da World Taekwondo, reunirá aos mellores taekwondistas do planeta, incluídos campións mundiais e olímpicos.
De feito, o campionato alcanzou marca histórica de participación con máis de 1.300 atletas inscritos procedentes de 160 países, superando todas as marcas previas.