deportes

Sporting de Gijón e Pontevedra, rivais nun amigable que se xogará en xullo en Avilés

Pontevedra
22 de xuño 2018
Alejandro Espiño

Poucos detalles coñécense da preparación que o Pontevedra CF está a deseñar para a inminente pretemporada pero, polo menos, xa se coñece un dos partidos que servirá como primeira pedra de toque para o proxecto granate

Partido do XLI Trofeo Cidade de Pontevedra entre Pontevedra e Sporting de Gijón en Pasarón
Partido do XLI Trofeo Cidade de Pontevedra entre Pontevedra e Sporting de Gijón en Pasarón / Cristina Saiz

Poucos detalles coñécense da preparación que o Pontevedra CF está a deseñar para a inminente pretemporada pero, polo menos, xa se coñece un dos partidos que servirá como primeira pedra de toque para o proxecto granate.

O conxunto pontevedrés viaxará ata a localidade asturiana de Avilés para enfrontarse ao Sporting de Gijón. Será o próximo 21 de xullo no estadio Román Suárez Puerta. 

O amigable enmárcase dentro da segunda edición da concentración de peñas sportinguistas, un evento no que se incluirán homenaxes a xogadores veteranos do equipo asturiano e multitude de actuacións musicais.

Con este partido, o Pontevedra devolverá a visita que o Sporting de Gijón realizou o pasado verán a Pasarón para disputar o torneo Cidade de Pontevedra de fútbol.

Por agora, este encontro é o único que se desvelou dentro da pretemporada que deseñaron os responsables deportivos do club granate.

Máis novidades