Suou máis da conta o Marín Peixe Galego na visita ao pavillón da Raña do pechacancelas da LEB Prata, o Viven Getafe (92-86).
Os pupilos de Javi Llorente non atoparon o seu mellor xogo e non puideron pechar o choque ata os minutos finais, nos que demostraron a súa maior tranquilidade para levar o partido.
O Peixe afrontaba o choque coa ausencia de Gregorio Adón, que se notou nun igualado primeiro cuarto (19-18).
No segundo período os locais apertaron en ataque para abrir brecha ao decanso (47-37) e parecer que encarrilaban o partido, pero nada máis lonxe da realidade. O Getafe non se desconectou e reduciu distancias tras o descanso para chegar con vida ao cuarto definitivo (66-61).
Foi entón cando a templaza do cadro 'peixe' resultou decisiva, apoiada nos bos números ofensivos de Rogers (23 puntos), Javonte Green (21 puntos) ou Alejandro Navajas (18) para manter vivo o soño do ascenso directo, que xa está unha xornada máis preto.
Consulta aquí o acta do partido.