Díficil compromiso para a Sociedad Deportiva Teucro este sábado (20:00 horas) no Pavillón Municipal dos Deportes de Pontevedra ante un dos equipos máis en forma da competición.
Visita o Municipal o BM Alcobendas, quinto clasificado a cinco puntos do azuis pero que chega á cita tras gañar a Barcelona B e Palma del Río no últimas tres xornadas.
Os pontevedreses están no medio da fase máis esixente do seu calendario na División de Honra Prata, pero confían en lograr o seu noveno triunfo consecutivo para seguir axexando o liderado.
Pola súa banda o Club Cisne pretende seguir coa súa liña ascendente e buscará en Torrelavega (sábado, 18:30 horas) o que sería o seu segundo triunfo da tempada fóra da casa.
No seu favor xoga o vulnerable que se está a mostrar na súa pista o cadro cántabro, onde só gañou un encontro e empatou outro no que vai de tempada, xa que seis dos seus nove puntos conseguiunos fóra. Con todo no se fían os de Jabato, que esperan un encontro moi competido.