O Campionato de Europa de Piragüismo Maratón comezou este xoves na localidade francesa de Dezize con bo pé para a delegación pontevedresa.
Tono Campos (Breogán) estreouse cunha medalla, de prata, na nova carreira curta de C-1, disputada baixo un formado de só 3,4 quilómetros de percorrido con dous porteos e que se estreaba no Europeo.
O padexeiro do Grove cruzou a liña de meta en 15 minutos e 43 segundos, a case 6 segundos do polaco Viktor Glazunow que marcaba un tempo de 15 minutos, 37 segundos e 73 milésimas. O podio completouno o checo Jacub Brezina.
Na mesma disciplina Diego Romero, deportista tamén do Breogán do Grove, finalizou na quinta posición.
O Europeo de Maratón continuará este venres coa participación de Joaquín Iglesias (Piragüismo Verducido) no K-2 xuvenil xunto a Alejandro Moreno.