Cartagena acolleu estes días o Campionato de España Universitario, coa mente posta na próxima Universiada.
Alí estaban varios atletas da Sociedad Gimnástica, que conseguiron tres medallas realizando un notable papel.
O máis destacado foi Alberto Salcedo, defendendo a camiseta da Universidad de Sevilla. O actual campión de España de 200 metros en pista cuberta foi ouro nos 200 metros lisos e bronce nos 100 metros.
Pola súa banda Alberto Guerrero logrou a terceira medalla cun bronce nos 800 metros coas cores da Universidad Pablo Olavide.
Os outros atletas do club pontevedrés na cita foron Manuel Castellanos, que foi oitavo en xavelina, e Gonzalo Sánchez-Camacho, noveno nos 100 metros.