O encoro do Pontillón do Castro, en Verducido acolleu este sábado a celebración da I Competición da liga Provincial de Pontevedra 'O Noso Club 2026'.
A cita desenvolveuse en dobre sesión, coas categorías de promoción pola mañá e as probas infantís pola tarde.
A xornada finalizou co triunfo do Club Náutico Pontecesures na clasificación xeral por clubs, ao sumar 6.460 puntos.
A segunda praza foi para o Club Náutico O Muiño de Ribadumia, con 5.966, e o terceiro lugar para o Club Confradía Pescadores Portonovo, con 5.627.
A xornada arrincou coas probas dos máis pequenos, con Mark Cabaleiro (CMDC Breogán do Grove) e Xiana Fabeiro (Náutico Pontecesures) gañando en prebenjamín K1.
En benjamín A, os primeiros en cruzar a meta foron Roberto Ballinas (Verducido‑Pontillón) e Gala Rodríguez (Portonovo), mentres que en benjamín B o triunfo masculino correspondeu a Brais Bicada (Portonovo) e o feminino, a María Freijeiro (Náutico de Cobres).
En alevín A impuxéronse Gabriel Fuentes (EP Ciudad de Pontevedra) e Noa Besada (Portonovo), e en alevín B, Diego Miguéns (As Torres) e Nuria García (Verducido).
Noel Piñeiro (Portonovo) e Aitana Casal (Verducido) levaron o ouro na proba infantil A K1, mentres que Mateo Pérez (Verducido) e Raquel Carballo (Kayak Tudense) foron os gañadores na infantil B K1.
As probas de canoa pecharon a xornada, cos primeiros postos de Xian Aller (EP Poio) e Sabela Turnes (EP Ciudad de Pontevedra) en infantil A C1, e de Valdo Curra (Ría de Aldán) e Marcela Seco (Pontecesures) en infantil B C1.