Rubén López 'Tubo' deixou de ser este martes xogador do Pontevedra Club de Fútbol, tras chegar a un acordo para a súa baixa federativa, segundo confirmou o club granate nun comunicado.
Tubo convértese así na segunda saída durante o mercado de inverno, tras a de Sergio Lloves.
O centrocampista, peza importante nas últimas tempadas en Terceira División, perdera protagonismo no equipo tras o ascenso e apenas contaba nos plans de Luisito.
O xogador buscará os minutos que lle faltaban no actual líder da Terceira División, o Club Deportivo Boiro.
Esta baixa non altera excesivamente os plans dos responsables deportivos do Pontevedra, cuxa prioridade segue sendo concretar nos próximos días a fichaxe dun dianteiro.