Cuarto triunfo da tempada para o Club Baloncesto Arxil, que esta vez si se mostrou máis regular no seu xogo para terminar levando o partido na cancha do Añares Rioja (72-79).
Foi un encontro de menos a máis para as verdes, que viron como as locais dominaban os dous primeiros cuartos para marchar ao descanso cunha renda de oito puntos (40-32).
Con todo as pontevedresas melloraron tras o paso por vestiarios. Axustaron o seu defensa no terceiro parcial (53-51) e desatáronse en ataque nos últimos 10 minutos para culminar a remontada e sentenciar o partido.
A responsabilidade anotadora no Arxil non foi cousa dunha sóla xogadora, e ata catro compañeiras chegaron a dobres díxitos, como foron Narlyn Mosquera (21 puntos), María Lago (19), Carla (15) e Arantxa Mallou (10).
Con este resultado o equipo pontevedrés queda situado en metade da táboa da Liga Feminina 2, sétimo cun balance positivo de 4-3.