A covid volve trastornar os plans do Poio Pescamar, esta vez ao afectar en primeira persoa a xogadoras e persoal do primeiro plantel.
O conxunto conserveiro confirmou este xoves a detección dun gromo de coronavirus "que afectou a varios compoñentes do equipo de Primeira División", o que lle levou a solicitar ao Comité de Competición da Real Federación Españoal de Fútbol o aprazamento da xornada de liga desta próxima fin de semana.
En concreto o Poio debía render visita este sábado 12 de febreiro (17.00 horas) á pista do potente Burela Pescados Rubén, segundo clasificado nestes momentos e actual campión de liga.
As xogadoras e membros do staff afectados polo gromo "evolucionan favorablemente, con algún síntoma, pero esperando que a situación sexa o máis leve posible e podamos volver á normalidade canto antes", explicou o club nun comunicado.
Comunicado do clube #PoioPescamar pic.twitter.com/XlE5w2rzB3
— Poio Pescamar FS (@PoioPescamarfs) February 10, 2022