O Pontevedra retomou esta tarde de martes o traballo despois do parón do Nadal. A actividade centrouse exclusivamente na realización de probas PCR a todos os integrantes do equipo, que se saldaron cun positivo entre os xogadores.
A través dun comunicado oficial, o club explicou que o afectado atópase illado do grupo e en réxime de confinamento ata a súa recuperación.
O resto do grupo deu negativo. Con todo e como medida de precaución, outros tres xogadores realizarán adestramento illado durante o próximos tres días ao ter contacto recente con persoas contaxiadas.