O Grupo Deportivo Supermercados Froiz segue sen inscribir o seu nome no palmarés da Copa de España Elite e sub-23 de ciclismo en estrada.
Sergio Míguez chegaba con opcións á XXX Clásica de Torredonjimeno, última proba do calendario, pero despediuse do triunfo ao quedar descolgado do grupo de favoritos e entrar en meta no posto 42 a case seis minutos do gañador da carreira, Julen Amezqueta, ciclista do Seguros Bilbao.
Outro corredor da escuadra alimenticia, Roberto Mediero, meteuse na escapada boa do día, de 8 corredores, pero non logrou entrar no último corte e finalizou no oitavo lugar a 29 segundos.
Por detrás Unai Untziarte, do Guipuzkoa, encabezou o pelotón asegurándose así o triunfo na clasificación xeral da Copa de España por diante de Miguel Ángel Benito (Caja Rural) e Antón Ibarguren (Telco'm Gimex).
Agora o Froiz céntrase nos seus principais obxectivos da tempada, as voltas por etapas de Galicia, Lugo, Coruña e a Vuelta a León.