Por sétimo ano consecutivo, Xisela Aranda alzouse co título de campioa de España de squash tras o torneo celebrado a fin de semana en Madrid.
A deportista de Squash Pontevedra revalidou o seu título tras vencer na final, por un claro 3-0, a Cristina Gómez.
Antes, Xisela vencera a María González en primeira rolda (3-0), Inés Gómez en cuartos de final (3-0) e Marina de Juan en semifinais (3-2), nun igualado partido de 90 minutos.
Tamén participaron no Campionato de España Absoluto outros dous deportistas do Squash Pontevedra, Juan Simal e Sergio Fernández.
Juan perdeu na xornada inicial ante Eduardo Razquin, mentres Sergio meteuse no cadro principal ao vencer en primeira rolda ao palentino Jorge Nebreda (3-1) pero perdeu en oitavos de final ante Álex Garbí (3-0).