Desde pequeno Cristian Fernández Nieto soubo que o seu era o deporte, o que non tiña tan definido era se para practicalo el ou para ensinalo aos demais. E nesa dualidade está, estudando Ciencias da Actividade Física e do Deporte, desenvolvendo a súa traxectoria deportiva e adestrando a nenos do Club Natación Galaico.
O Mundial Multisport que albergou Pontevedra terá na súa biografía un apartado especial. Proclamábase campión do mundo de acuatlón no grupo de idade de 25 a 29 anos.