A playlist de..#37: Luisa Márquez

Leva a docencia metida nas veas, puidese ser que o feito de que a súa nai o fose, algo prendería nela. Licenciouse en Historia e en Historia da Arte e tiña claro que o seu era ser mestra e ademais de Formación Profesional. E así comezou. A súa selección musical evidencia de forma inequívoca o seu ímpeto reivindicativo, a súa ansia de conseguir un mundo mellor. E a pesar de que xa se xubilou segue activa, moi activa, facendo cada vez máis grande e máis visible a Rede de Escolas da Unesco en Galicia, da que é a súa coordinadora.