Tes dous cans e peléxanse entre eles?. É a cuestión que unha seguidora de Podcans expuxo ao educador canino Diego Álvarez a través do correo electrónico [email protected] e que está dispoñible para expor dúbidas ou situacións relacionadas con estes animais.
A imaxe do programa corresponde a Fritz, un macho de dous anos, vacinado, desparasitado e castrado. Socializa ben con persoas - adultos ou nenos -, e tampouco presenta problemas de saúde nin de conduta. Atópase custodiado por Arca de Noia. Quen teña interese na súa adopción pode contactar no teléfono 652361499.