Ten unha inxente comunidade de fieis aos seus consellos en Instagram e tamén no seu grupo de axuda alcumado 'a tribo'. Sara Desirée Ruiz é educadora social especializada na atención e acompañamento socioeducativo de familias con adolescentes. Publicou con éxito de vendas 'El día que mi hija me llamó zorra: claves para educar en la adolescencia' e 'Te necesita aunque no lo parezca: recursos para acompañar a adolescentes y potenciar su autoestima'. Con 'Lo que dejan las madres' entra na ficción. Con todo, non se despega do ámbito que domina e coloca polas páxinas desta novela moita educación social, adolescencia, maternidade, familias desestructuradas, centros de protección de menores... e desperdiga tamén moitas pílulas pedagóxicas e algún que outro tirón de orellas.
