Escolares de Primeiro e Segundo de Primaria do CEIP Ponte Sampaio estrean as sesións do podcast A familia Xachoconto.
O obxectivo é fomentar a lectura entre estudantes de Primaria e Secundaria, á vez que lles ofrece a posibilidade de coñecer un medio de comunicación dixital.
Durante a actividade desenvolvida en PontevedraViva Radio tiveron oportunidade de coñecer á poeta Gloria Fortes e a súa poesía 'Como se debuxa un neno'.
Leron o texto debutando ante un micrófono, rimaron palabras, aprenderon outras, descubriron e escoitaron á 'poeta dos nenos' a través de YouTube, debuxaron e aprenderon o que é un podcast.
Esta iniciativa está aberta a todos os centros educativos que queiran tomar parte. Os centros educativos interesados poden enviar un correo electrónico a [email protected] para solicitar reservas ou realizar consultas.