O primeiro dos episodios deste podcast centra o ámbito xeral sobre os que versarán os seguintes e que tratarán cuestións máis específicas.
Convidamos a José María Failde, presidente da Sociedade Galega de Xeriatría e Xerontoloxía; a Juan Tomás Martín, director do Centro Internacional sobre o Envellecemento. É un organismo promovido pola Fundación Xeral da Universidade de Salamanca, que coopera cos Consellos Económicos e Sociais de España e Portugal xunto co Instituto Politécnico de Bragança. E a Miguel Anxo Álvarez, gerontólogo e membro do Grupo Senior da Sociedade Española de Xeriatría e Gerontología.
Especifican que significa ser unha sociedade lonxeva, que oportunidades e desafíos expón e si como sociedade estamos preparados para responder a unhas e outros.
Unha das referencias que deixan estes técnicos: España ostenta a maior esperanza de vida na Unión Europea. Proxeccións internacionais sitúan que en 2040 superará a Xapón e será o país máis lonxevo do mundo. Unha cuestión por tanto "que hai que analizar e valorar de moi diversas maneiras".
Pechamos episodio desde o cinema, cun trailer da película '@buelos' de Santiago Requejo que resulta moi oportuna para repensar as máximas expostas no podcast.
'A lonxevidade' é unha publicación divulgativa financiada polo Plan Social Ence (#enceplansocialpontevedra).