Interesantes descubrimentos entre os lanzamentos desta semana. Para empezar, Delvín que inicia etapa da man de Pachi García Alis como produtor.
'Baf' de Julia de Arco fusiona xéneros con acerto. Rock con dobrete traen Los Jaguares de la Bahía e rock sen filtros no EP de ISIUS.
Seguindo no ronsel rockeiro, Censurados. Levitants seguen avanzado o elepé que publicarán no outono. Voz con identidade que ademais ensambla xéneros dispares, Bewis de la Rosa con 'Bolero'.
'Noitada' é a colaboración estival que presentan Baiuca e Carlos Ares, mentres que 'Locos por el ritmo' é un himno ao pop sesenteiro de Morreo.
E para pechar ao grande, as súas satánicas maxestades publican un single con dous tracks que serven de avance ao seu próximo elepé. Atención ao falsete de Jagger en 'Jealous lover'.