O número de parados rexistrados nas oficinas dos servizos públicos de emprego (antigo Inem) baixou en decembro na cidade de Pontevedra ata alcanzar as 6.593 persoas.
En total son 115 desempregados menos que o mes anterior, de modo que a cidade do Lérez rompe a tendencia negativas dos últimos tres meses.
| Decembro 2016 | Novembro 2016 | Variación | |
| Pontevedra | 6.593 | 6.708 | -115 |
| Barro | 350 | 356 | -6 |
| Bueu | 878 | 875 | 3 |
| Caldas de Reis | 915 | 870 | 45 |
| Cambados | 1.233 | 1.161 | 72 |
| Campo Lameiro | 163 | 160 | 3 |
| Cerdedo-Cotobade | 439 | 421 | 18 |
| Cuntis | 401 | 374 | 27 |
| O Grove | 1.223 | 1.035 | 188 |
| A Illa de Arousa | 343 | 332 | 11 |
| A Lama | 208 | 198 | 10 |
| Marín | 1.965 | 1.978 | -13 |
| Meaño | 481 | 469 | 12 |
| Meis | 423 | 410 | 13 |
| Moraña | 426 | 398 | 28 |
| Poio | 1.261 | 1.271 | -10 |
| Ponte Caldelas | 615 | 606 | 9 |
| Portas | 251 | 231 | 20 |
| Ribadumia | 383 | 356 | 27 |
| Sanxenxo | 1.408 | 1.390 | 18 |
| Vilaboa | 485 | 465 | 20 |
| Vilagarcía de Arousa | 3.925 | 3.867 | 58 |
| Vilanova de Arousa | 903 | 870 | 33 |
AUMENTA NAS CATRO PROVINCIAS
Os parados aumentaron na provincia de Pontevedra en 1.144 persoas máis no mes de decembro. Isto supón un incremento dun 1,41% respecto ao mes anterior.
A provincia acumula unha disminución en 2016 en comparativa co peche de 2015. Así, Pontevedra baixa 8.623 personas (-9,48%) ata rexistrar 82.339 desempregados.
GALICIA
Galicia rexistrou o maior incremento do paro en termos absolutos do Estado en decembro ao contabilizar 2.360 persoas máis anotadas nos servizos públicos de emprego con respecto a novembro, o que sitúa a cifra total de parados en 205.914.
A subida foi do 1,16%, mentres que na media estatal baixou un 2,29% (86.849 desempregados menos).
En toda a comunidade galega, o paro repártese entre 94.353 homes e 111.561 mulleres. Un total de 9.391 son menores de 25 anos.
Como dato negativo salientar que baixa a duración dos novos contratos: só o 7,5% foron indefinidos.