O Concello de Ponte Caldelas celebrou o Día Internacional da Muller cun acto na Casa da Cultura no que se leron varios poemas por parte de colectivos da vila.
A xuntanza contou coa actuación musical do grupo ‘Gure Terra’. Ó remate houbo un petisco de confraternidade para todos os participantes.
A programación deseñada en Ponte Caldelas con motivo do 8M chegará á súa fin este venres 10 de marzo, ás 20:30 horas, coa presentación da novela Frágil. Flores o bombas, que a escritora Chus González, exhibirá na Casa do Pobo de Regodobargo.
Nacida en Pontevedra, a autora reside nesta parroquia ponte caldelá, desde a que escribiu a que é a súa primeira obra literaria. Nela, narra a historia dunha muller que, por motivos que ela descoñece, está illada nun hospital no que tan só a visita o seu home.